سیاسی صورتحال تباہی و بربادی کی طرف جا رہی ہے: شیخ رشید

07-25-2024

(ویب ڈیسک) سربراہ عوامی مسلم لیگ اور سابق وفاقی وزیر شیخ رشید نے کہا ہے کہ سیاسی صورتحال تباہی اور بربادی کی طرف جا رہی ہے۔

دنیا نیوز سے گفتگو کرتے ہوئے شیخ رشید کا کہنا تھا کہ عوام بہت تنگ ہیں، بجلی کے بل زہر قاتل کی طرح لڑ گئے ہیں، حکومت خود عوام کو سڑکوں پر آنے پر مجبور کر رہی ہے۔ انہوں نے کہا کہ پی ٹی آئی پر پابندی لگانے سے کچھ نہیں ہوگا، پہلے نشان چھینا گیا، پھر بانی پی ٹی آئی پر پابندی لگائی گئی، الیکشن سے پہلے بانی پی ٹی آئی کوسزائیں سنائی گئیں، پھر بھی عوام نے ووٹ دیا۔ شیخ رشید کا کہنا تھا کہ یہ جو قدم بھی اٹھاتے ہیں ان کو ہی نقصان پہنچتا ہے، ان کے ہر فیصلے کا فائدہ بانی پی ٹی آئی عمران خان کو ہوتا ہے، سیاسی صورتحال تباہی اور بربادی کی طرف جا رہی ہے۔ سابق وفاقی وزیر نے مزید کہا کہ پونے 3 مرلے کی لال حویلی میری ذاتی ملکیت ہے، 19 گھر اور بھی ہیں لیکن ہمیں بے دخل کیا جاتا ہے، لاہور ہائیکورٹ نے 2 بار ڈی سیل کرائی ہے۔