ورلڈ چیمپئن شپ: آج پاک بھارت لیجنڈز ٹکرائیں گے

07-06-2024

(لاہور نیوز) ورلڈ چیمپئن شپ آف لیجنڈز کے 8ویں میچ میں پاکستان اور بھارت کی ٹیمیں ایک دوسرے کے مدمقابل آئیں گی۔

انگلینڈ کے ایجبسٹن کرکٹ سٹیڈیم میں روایتی حریف پاکستان اور بھارت کی ٹیمیں ٹکرائیں گی، جس میں سابق کرکٹرز شاہد آفریدی، عبدالرزاق، مصباح الحق، سعید اجمل کے علاوہ حریف ٹیم کے یوسف پٹھان، یوراج سنگھ، عرفان پٹھان اِن ایکشن ہوں گے۔ میچ پاکستان کے مقامی وقت کے مطابق رات 8:30 بجے شروع ہوگا۔ دوسری جانب ٹورنامنٹ میں پاکستان اور بھارت چیمپئنز کی ٹیمیں 2، 2 میچ کھیل چکی ہیں، دونوں ٹیموں نے اپنے ابتدائی میچز میں کامیابی سمیٹی ہے۔ قومی ٹیم نے ویسٹ انڈیز اور آسٹریلیا جبکہ بھارتی ٹیم نے انگلینڈ اور ویسٹ انڈیز کو شکست سے دوچار کیا ہے۔ واضح رہے کہ ایونٹ میں 6 ممالک کی ٹیمیں شریک ہیں جن میں پاکستان، بھارت کے علاوہ انگلینڈ، ویسٹ انڈیز، جنوبی افریقہ اور آسٹریلیا شامل ہیں۔