بجلی کے بلوں سے پریشان عوام کو شازیہ منظور نے بل میں کمی کا انوکھا طریقہ کابتا دیا

07-05-2024

(ویب ڈیسک) گلوکارہ شازیہ منظور نے بجلی کے بھاری بلوں کے ستائے ہوئے عوام کو کم بِل لانے کا انوکھا نسخہ بتا دیا ہے۔

تفصیلات کےمطابق گلوکارہ شازیہ منظور کی دلچسپ ویڈیو سوشل میڈیا پر وائرل ہورہی ہے جس میں صحافی نے گلوکارہ سے بجلی کے بل سے متعلق سوال پوچھا۔شازیہ منظور نے کہا کہ اس سوال کا جواب دینا بہت مشکل ہے کیونکہ میرا بجلی کا بل زیادہ نہیں آیا۔ گلوکارہ نے اپنا مقبول گانا ’بتیاں بجھائی رکھ دی، دیوا بلے ساری رات میرے ہانیا‘ گاتے ہوئے کہا کہ اس کی وجہ سے میرا بل زیادہ نہیں آتا۔اُنہوں نے پاکستانی عوام سے مخاطب ہوتے ہوئے کہا کہ اگر آپ بھی چاہتے ہیں کہ آپ کا بجلی کا بل بھی کم آئے تو آپ بھی اپنے گھر میں میرا یہ گانا لگائیں، اس گانے سے کچھ سیکھیں۔ شازیہ منظور نے مزید کہا کہ دیوا جلائیں اور بتیاں بُجھا دیں، اسی طرح بجلی کے بل کم آسکتے ہیں کیونکہ اس کے علاوہ تو کوئی دوسرا راستہ نہیں۔