پاک بنگلادیش ٹیسٹ سیریز کا ممکنہ شیڈول سامنے آگیا

07-05-2024

(ویب ڈیسک) پاکستان اور بنگلادیش کے درمیان ہونے والی ٹیسٹ سیریز کا ممکنہ شیڈول سامنے آگیا۔

میڈیا رپورٹس کے مطابق بنگلادیشی کرکٹ ٹیم 17 اگست کو پاکستان پہنچے گی، سیریز کا پہلا ٹیسٹ میچ 21 اگست، دوسرا ٹیسٹ 30 اگست جبکہ آخری ٹیسٹ میچ 3 ستمبر کو ہونے کا امکان ہے۔ دونوں ٹیموں کے درمیان سیریز آئی سی سی ورلڈ ٹیسٹ چیمپئن شپ 2023-2025 کا حصہ ہے۔ قبل ازیں چیئرمین پی سی بی محسن نقوی نے لاہور میں میڈیا بریفنگ میں تصدیق کی تھی کہ قذافی سٹیڈیم میں جاری اپ گریڈ کی وجہ سے قذافی سٹیڈیم پاک بنگلادیش سیریز کے میچز کی میزبانی سے محروم رہے گا۔ تین میچز پر مشتمل سیریز کے میچز کراچی، ملتان اور راولپنڈی میں رکھے جاسکتے ہیں۔ واضح رہے کہ پاکستان اور بنگلادیش کی ٹیمیں 2001 سے اب تک ہوم گراؤنڈ پر 13 بار ٹیسٹ میچز میں ایک دوسرے کے مدمقابل آئی ہیں جس میں پاکستان ناقابلِ شکست ہے جبکہ ایک ٹیسٹ میچ ڈرا ہوا تھا۔