210 ڈومیسٹک کرکٹرز کے کنٹریکٹس ختم کرنے پر غور

07-05-2024

(ویب ڈیسک) ڈومیسٹک کرکٹ میں کنٹریکٹ یافتہ کھلاڑیوں کی تعداد کم کرنے پر غور کیا جا رہا ہے۔

تینوں فارمیٹ کا چیمپئنز کپ کھیلنے والے کرکٹرزسے ہی معاہدوں کی تجویز سامنے آئی ہے،ایونٹ کی 5 ٹیمیں شامل ہوں گی ، ہر ٹیم میں 30 ٹاپ کرکٹرز ہوں گے، انہی 150 کھلاڑیوں کو کنٹریکٹس ملیں گے۔ گذشتہ سال 360 کرکٹرز سے معاہدہ ہوا تھا۔ البتہ ذرائع کے مطابق اب پی سی بی 210 ڈومیسٹک پلیئرز کے کنٹریکٹس ختم کرنے پر غور کررہا ہے۔ چیمپئنز کپ میں ٹیموں کے مینٹور شاہد آفریدی، یونس خان، وقار یونس،مصباح الحق و دیگر سابق کرکٹرز کو بنایا جا سکتا ہے۔