شہر کے مختلف علاقوں میں پٹرول پمپس پر سیل جاری، مالکان تذبذب کا شکار

07-05-2024

(لاہور نیوز) پاکستان پٹرولیم ڈیلرز ایسوسی ایشن کی جانب سے ہڑتال کی کال کے باوجود شہر کے مختلف علاقوں میں پٹرول پمپس پر سپلائی معمول کے مطابق جاری ہے۔

شہر کے بیشتر علاقوں جلو موڑ ،جی ٹی روڈ، گڑھی شاہو، شملہ پہاڑی، لکشمی چوک، مغلپورہ، کنٹونمنٹ سمیت شاد باغ اور عامر روڈ کے علاقوں کے پٹرول پمپس کھلے ہیں، رات گئے اسلام آباد اور راولپنڈی کیلئے ہڑتال کی منسوخی کے بعد سے پٹرول پمپ مالکان تذبذب کا شکار ہیں۔ صرف راولپنڈی اور اسلام آباد کیلئے ہڑتال کی منسوخی نے دیگر شہروں کے پٹرول پمپس بھی کھلوادیئے۔ واضح رہے کہ پاکستان پٹرولیم ڈیلرز ایسوسی ایشن کے نائب صدر قاضی خالد کے انتقال کے باعث جڑواں شہروں میں رات گئے ہڑتال منسوخ کی گئی۔