گلوکار ملکو کا اپنا نام پی این آئی ایل لسٹ سے نکلوانے کی درخواست عدالت سے واپس لینے کا فیصلہ

06-22-2024

(ویب ڈیسک) گلوکار محمد اشرف عرف ملکو نے اپنا نام پی این آئی ایل لسٹ سے نکلوانے کی درخواست واپس لینے کا فیصلہ کرلیا۔

رپورٹ کےمطابق گلوکار ملکو نے اپنا نام پی این آئی ایل لسٹ سے نکلوانے کے لیے لاہور ہائی کورٹ میں درخواست دائر کی تھی تاہم اب اُنہوں نے اپنی درخواست واپس لینے کے لیے متفرق درخواست دائر کر دی ہے۔ملکو نے درخواست میں موقف اختیار کیا کہ میں پی این آئی لسٹ سے نام نکلوانے کی درخواست واپس لینا چاہتا ہوں، لہٰذا لاہور ہائیکورٹ درخواست واپس لینے کی استدعا منظور کرے۔ دوسری جانب ایڈووکیٹ اظہر صدیق نے ملکو سے وکالت نامہ واپس لے لیا، اظہر صدیق نے بغیر فیس کے ملکو کے لیے عدالتی جنگ لڑی۔