اداکارہ مومنہ اقبال کے والد انتقال کر گئے

06-20-2024

(ویب ڈیسک) پاکستان شوبز انڈسٹری کی معروف اداکارہ مومنہ اقبال کے والد انتقال کر گئے۔

فوٹو اینڈ ویڈیو شیئرنگ پلیٹ فارم انسٹا گرام پر اداکارہ مومنہ اقبال نے اپنے والد کے انتقال اور نماز جنازہ کی تفصیلات جاری کیں، اداکارہ نے انسٹا سٹوری شیئر کرتے ہوئے بتایا کہ ان کے والد گزشتہ روز انتقال کر گئے ہیں۔ انہوں نے قرآن پاک کا حوالے دیتے ہوئے لکھا کہ ’انا اللہ وان اليه راجعون! ہم یقیناً اللہ ہی کے ہیں اور ہمیں یقیناً اسی کی طرف لوٹ کر جانا ہے‘، اس کے ساتھ ہی اداکارہ نے نماز جنازہ کی تفصیلات بھی شیئر کی ہیں۔