فیفا ورلڈ کپ کوالیفائرز: قومی فٹبال ٹیم دوشنبے پہنچ گئی

06-11-2024

(لاہور نیوز) فیفا ورلڈ کپ 2026 کوالیفائرز راؤنڈ 2 کے میچ کے لیے پاکستان کی فٹبال ٹیم دوشنبے پہنچ گئی ۔

تفصیلات کے مطابق مسلسل تاخیر کے بعد قومی ٹیم پاک فضائیہ کے خصوصی طیارے سے نور خان ایئر بیس سے دوشنبے پہنچ گئی، قومی ٹیم کی پرواز کا شیڈول دو بار متاثر ہوا ۔ خیال رہے کہ قومی فٹ بال ٹیم کی تاجکستان روانگی پیر کو اس وقت ایک بار پھر تاخیر کا شکار ہوگئی تھی جب چارٹرڈ فلائٹ تکنیکی خرابی کی وجہ سے منسوخ کی گئی۔ قومی ٹیم کا میچ آج تاجکستان سے شیڈول ہے، میچ پاکستانی وقت کے مطابق رات 8 بجے کھیلا جائے گا۔