شدید گرمی میں بھی ڈینگی کے وار، مزید 5کیسز رپورٹ

06-11-2024

(ویب ڈیسک) شدید گرمی میں بھی ڈینگی کے وار جاری ہیں، گزشتہ 24 گھنٹوں میں ڈینگی کے مزید5 نئے مریض رپورٹ ہوچکے ہیں۔

شہر لاہور میں ڈینگی لاروا کی افزائش میں اضافہ ہوگیا،  گزشتہ 24 گھنٹوں میں ڈینگی بخار کے 2 نئے مریضوں کی تصدیق ہوئی ہے،  ڈینگی بخار کی شدت میں ایک شخص کو بحریہ ٹاؤن ہسپتال اور دوسرے کو شالیمار ہسپتال پہنچا دیا گیا۔ دوسری جانب پنجاب بھر میں 24 گھنٹوں کے دوران ڈینگی کے مزید 5 مریض رپورٹ ہوئے جبکہ رواں سال سے اب تک شہر میں ڈینگی کے کنفرم 54 مریض رپورٹ ہوچکے ہیں۔  یاد رہے کہ ڈینگی وائرس سے بچاؤ کیلئے ضروری ہے کہ مکمل بازو والی قمیض پہنیں اور پتلون استعمال کریں جو پوری ٹانگ کو ڈھانپے جبکہ اپنے کپڑوں پر مچھر سے بچانے والے سپرے کو چھڑکیں۔ اگر آپ کے علاقے میں مچھر بڑی تعداد میں پائے جاتے ہیں تو مچھر دانی کا استعمال لازمی کریں۔ اپنے گھروں، برتنوں ، ٹوٹے ہوئے ٹائروں ، گلدانوں یا ٹوٹی ہوئی بوتلوں میں پانی کھڑا نہ ہونے دیں جبکہ ڈینگی بخار کی ویکسین ضرورلگوائیں۔