لاہور ہائیکورٹ نے نیب ترمیم کیخلاف درخواست قابل سماعت قرار دے دی

06-06-2024

(لاہور نیوز) نیب قانون میں صدارتی آرڈیننس کے ذریعے ترمیم کیخلاف درخواست، لاہور ہائیکورٹ نے نیب ترمیم کیخلاف درخواست قابل سماعت قرار دے دی۔

عدالت نے وفاقی حکومت سمیت دیگر فریقین کو نوٹس جاری کر دیئے، لاہور ہائیکورٹ نے اٹارنی جنرل کو بھی نوٹس جاری کرتے ہوئے معاونت کے لئے طلب کر لیا۔ جسٹس شجاعت علی خان نے شہری منیر احمد کی درخواست پر سماعت کی، درخواست میں نیب کے قانون میں ترامیم کو چیلنج کیا گیا ہے۔