وزیراعظم شہباز شریف وفد کے ہمراہ چین کے دورے پر روانہ

06-04-2024

(لاہور نیوز) وزیراعظم شہباز شریف 4 روزہ دورے پر چین روانہ ہوگئے۔

وزیراعظم شہباز شریف لاہور ایئرپورٹ سے چین کیلئے روانہ ہوئے، نائب وزیراعظم اسحاق ڈار، وفاقی وزیراطلاعات عطاء اللہ تارڑ سمیت دیگر وزراء، پاکستانی تاجروں اور سرمایہ کاروں کا بڑا وفد بھی ان کے ہمراہ ہے، شہباز شریف 4 سے 8 جون تک چین کا دورہ کریں گے۔ شہباز شریف چین کے دورے کے پہلے مرحلے میں شینزن جائیں گے، وزیراعظم جدید آئی ٹی کمپنیوں کا دورہ اور فورم میں شرکت کریں گے۔ وزیراعظم شہباز شریف چینی صدر اور وزیر اعظم سے اہم ملاقاتیں کریں گے۔ دورے کے دوران 79 پاکستانی کمپنیوں کے نمائندے شینزن میں چینی کمپنیوں کے نمائندوں سے ملاقاتیں کریں گے۔