بلے کا انتخابی نشان واپس لینے کا کیس: وکیل وفاقی حکومت کو دلائل دینے کی ہدایت

05-31-2024

(لاہور نیوز) عدالت نے پی ٹی آئی کا بلے کا انتخابی نشان واپس لینے کے الیکشن کمیشن کے اختیار کے خلاف درخواست پر وفاقی حکومت کے وکیل کو دائرہ اختیار سے متعلق دلائل دینے کی ہدایت کر دی۔

لاہور ہائیکورٹ میں پاکستان تحریک انصاف (پی ٹی آئی) کی بلے کا انتخابی نشان واپس لینے کے الیکشن کمیشن کے اختیار کے خلاف درخواست پر ہوئی، جسٹس عابد عزیز شیخ نے پی ٹی آئی کی درخواست پر سماعت کی۔ درخواست پاکستان تحریک انصاف اور متعدد عہدیداران کی جانب سے دائر کی گئی ہے۔ پی ٹی آئی کی جانب سے درخواست میں کہا گیا تھا کہ عام انتخابات سے قبل پی ٹی آئی سے انتخابی نشان واپس لینا الیکشن کمیشن کا غیر قانونی اقدام تھا۔ درخواست گزار کی جانب سے استدعا کی گئی کہ الیکشن ایکٹ کے سیکشنز 215 ،209، 208 سمیت دیگر کو آئین سے متصادم قرار دیا جائے۔ بعدازاں لاہور ہائیکورٹ نے پی ٹی آئی کی بلے کا انتخابی نشان واپس لینے کے الیکشن کمیشن کے اختیار کے خلاف درخواست پر مزید کارروائی 4 جون تک کیلئے ملتوی کر دی۔