کسی ڈرامے میں ہیروئن کے والد کا کردار نہیں کرونگا: نبیل ظفر

05-23-2024

(ویب ڈیسک) پاکستانی شوبز انڈسٹری کے نامور فنکار نبیل ظفر نے کہا ہے کہ وہ کسی ڈرامے میں بھی ہیروئن کے والد کا کردار ادا نہیں کریں گے۔

ایک تازہ پوڈ کاسٹ میں گفتگو کرتے ہوئے اداکار کا کہنا تھا کہ آج کل ڈراموں کی کہانیاں بہت گھسی پٹی ہیں اور جب کوئی فلم کامیاب نہیں ہوتی تو اس کا ڈرامہ بنا دیا جاتا ہے۔ نبیل ظفر کا کہنا تھا انہیں اکثر ڈراموں میں ہیروئن کے والد کا کردار آفر ہوتا ہے لیکں وہ اسے انکار کردیتے ہیں۔ ان کا کہنا تھا ڈراموں کے سکرپٹ اچھے اور منفرد نہیں اور جب تک انہیں اچھا سکرپٹ نہیں ملے گا وہ کسی کردار کیلئے ہاں نہیں کریں گے۔ اداکار کا کہنا تھا ڈرامے کا ہیرو اداکار نہیں بلکہ کردار ہوتا ہے، انٹرٹینمنٹ چینلز کم ہونے کی وجہ سے ہمارے ہاں اچھے ڈرامے رائٹر سامنے نہیں آرہے ہیں۔