عاصم اظہر کے گانے پر میرب علی کی لپ سنکنگ ، مداح خوش

05-16-2024

(ویب ڈیسک) ابھرتی ہوئی اداکارہ میرب علی نے اپنے منگیتر عاصم اظہر کے نئے گانے ’کرما’ پر لپ سنکنگ کرتے ویڈیو جاری کردی۔

عاصم اظہر آج کل اپنے پہلے البم ’بےمطلب‘ کی ریلیز کے بعد سے خوب سرخیوں میں ہیں، وہ اپنے اسی البم کی تشہیر میں بھی مصروف دکھائی دیتے ہیں۔ عاصم اظہر کے نئے البم کا جادو سوشل میڈیا پر سر چڑھ کر بول رہا ہے، گلوکار کے چاہنے والے اس البم میں شامل گانوں پر رِیلز بناتے دکھائی دے رہے ہیں۔ ریلز بنانے والوں میں نیا اضافہ انکی منگیتر میرب علی کا ہوا جنہوں نے ڈرائیونگ سیٹ سنبھالے عاصم اظہر کے گانے پر لپ سنکنگ کرتے ایک ویڈیو بنائی اور اسے سوشل میڈیا پر اپلوڈ کردیا۔ ویڈیو کے کیپشن میں انہوں نے عاصم اظہر کے البم کی خوب تعریفیں کیں، اس رِیل پر تبصرہ کرنے والوں کی بھی لائن لگ گئی، کسی نے ان کی محبت کو مثالی قرار دیا تو کوئی  میرب علی کی خوبصورتی کی تعریف کرتا دکھائی دیا۔