جماعت اسلامی کے زیر اہتمام وزیراعلیٰ ہاؤس کے باہر کسان مارچ آج ہو گا

05-16-2024

(لاہور نیوز) جماعت اسلامی پاکستان کے زیر اہتمام وزیراعلیٰ ہاؤس کے باہر "حق دو کسان مارچ" آج ہوگا۔

امیر جماعت اسلامی پنجاب محمد جاوید قصوری نے پریس کانفرنس کرتے ہوئے کہا کہ پنجاب حکومت ان کے احتجاجی مارچ اور دھرنے میں رکاوٹ نہ ڈالے، یہ احتجاج امیر جماعت اسلامی حافظ نعیم الرحمان کی اپیل پر کیا جا رہا ہے۔ محمد جاوید قصوری نے کہا کہ جب سے نئی حکومت آئی ہے، ایک کے بعد ایک بحران سر اٹھا رہا ہے، گندم کی اونے پونے داموں خریداری سے کسانوں کا استحصال کیا جا رہا ہے۔ ان کا کہنا تھا کہ "حق دو کسان مارچ" پُرامن ہوگا جس میں صوبہ بھر کے شہروں سے کاشتکار شریک ہوں گے, جب تک حکومت کسانوں کی بات نہیں سنے گی، وہ سڑکوں پر رہیں گے۔