بیوٹی پارلر میں خواتین کی نیم برہنہ تصاویر بناکر وائرل کرنے پر مقدمہ درج

05-16-2024

(لاہور نیوز) پنجاب کے دارالحکومت لاہور میں بیوٹی پارلر میں خواتین کی نیم برہنہ تصاویر بنانے پر مقدمہ درج کر لیا گیا۔

میڈیا رپورٹ کے مطابق تھانہ نواب ٹاؤن پولیس نے سائبر پیکا ایکٹ کے تحت مقدمہ درج کیا۔ ایف آئی آر میں لکھا گیا کہ لڑکیاں بیوٹی پارلر میں سکن پالش کروانے کے لیے آئی تھیں، بیوٹی پارلر مالکن نے لڑکیوں کی نیم برہنہ تصاویر بنا لیں۔ ایف آئی آر میں مزید بتایا گیا کہ مالکن کے موبائل سے متعدد لڑکیوں کی نیم برہنہ تصویریں بھی برآمد ہوئیں جو کہ ملزمہ نے واٹس ایپ گروپس میں بھی شیئر کی ہوئی تھیں۔ لاہور پولیس نے مقدمہ درج کر کے کیس کو مزید تحقیقات کے لیے انچارج سائبر ونگ کے حوالے کر دیا۔