شاہدرہ میں مبینہ پولیس مقابلہ، 2ڈکیت زخمی حالت میں پولیس کے ہتھے چڑھ گئے

05-13-2024

(ویب ڈیسک) لاہور کے علاقے شاہدرہ میں مبینہ پولیس مقابلے کے بعد 2 ڈاکوؤں کو زخمی حالت میں گرفتار کر لیا گیا۔

رپورٹ کے مطابق ناکے پر 2 موٹرسائیکلوں پر سوار 6 افراد کو رکنے کا اشارہ کیا گیا تو انہوں نے رکنے کی بجائے پولیس پر فائرنگ کر دی،جوابی کارروائی میں2  ڈاکو زخمی ہو کر گرگئے جنہیں گرفتار کرکے اسپتال منتقل کردیا گیا۔ پولیس کے مطابق گرفتار ڈاکو محسن خان اور عمر عظمت ڈکیتی اور چوری کی درجنوں وارداتوں میں ریکارڈ یافتہ ہیں جب کہ گرفتار ڈاکوؤں کے 4 ساتھی فرار ہوگئے۔پولیس کا کہنا ہےکہ ڈاکوؤں کے قبضے سے ایک موٹرسائیکل اور غیر قانونی اسلحہ برآمد کیا گیا ہے۔