وزیر تعلیم کا لاہور کے مضافاتی علاقے میں قائم فلاحی سکول کا دورہ

05-13-2024

(لاہور نیوز) وزیر تعلیم رانا سکندر حیات نے لاہور کے مضافاتی علاقے میں قائم فلاحی سکول کا دورہ کیا۔

وزیر تعلیم شہر سے 43 کلومیٹر دور کچے راستوں پر قائم فلاحی سکول پہنچ گئے، رانا سکندر حیات نے لاہور کے دور دراز علاقے میں قائم فلاحی سکول کی سالانہ تقریب تقسیم انعامات میں شرکت کی۔ رانا ٹاؤن کے کچے راستوں پر قائم سکول پہنچنے پر طلبہ نے گارڈ آف آنر پیش کیا، رانا سکندر حیات نے فلاحی سکول کو ذاتی طور پر ایک لاکھ روپے کا عطیہ دینے کا اعلان کیا۔ وزیر تعلیم  نے سکول کی جانب آنے والے کچے راستوں کو پکا کرنے کے حوالے سے سی اینڈ ڈبلیو اور ایم سی ایل کی توجہ دلانے کا وعدہ بھی کیا۔