آئرلینڈ سے شکست، رمیز راجا کی ٹیم پر شدید تنقید

05-12-2024

(ویب ڈیسک) سابق چیئرمین پاکستان کرکٹ بورڈ (پی سی بی) رمیز راجہ نے قومی ٹیم کو آئرلینڈ کے ہاتھوں شکست پر آڑے ہاتھوں لیتے ہوئے آئی سی سی ٹی20 ورلڈکپ جیتنے کے امکانات پر سوال اُٹھا دیا۔

اپنے یوٹیوب چینل پر گفتگو کرتے ہوئے سابق کرکٹر رمیز راجا نے کہا کہ آئرلینڈ کیخلاف شکست پر کوئی بہانہ قبول نہیں، کرکٹرز کی باڈی لینگویج کمزور دکھائی دے رہی ہے، اتنے کمبی نیشن بنائے ہیں جس سے ٹیم بری طرح متاثر ہورہی ہے۔ انہوں نے کپتان کی تبدیلی پر بات کرتے ہوئے کہا کہ گرین شرٹس اچھی کارکردگی کا مظاہرہ کررہے تھے لیکن بابراعظم کو ہٹا دیا گیا اور پھر پچھلے کپتان کی جگہ دوبارہ انہیں لایا گیا، ٹی20 ورلڈکپ ایئر میں ٹیم ساتویں پوزیشن پر آگئی جو اصل حالت کو ظاہر کرتا ہے۔ رمیز راجا نے سوال اٹھایا کہ پاکستان ورلڈکپ کیسے جیت سکتا ہے جب کمبینیشن بھی درست نہیں، اوپننگ جوڑی سیٹ نہیں ہے، سیٹ بلے باز اپنی وکٹیں گنوا بیٹھتے ہیں اور مڈل آرڈر چل نہیں پارہا ہے، موجودہ صورتحال میں گرین شرٹس سیمی فائنل تک پہنچ جائیں بڑی بات ہوگی۔ قبل ازیں آئرلینڈ نے پاکستان کو پہلے ٹی20 میچ میں 5 وکٹوں سے شکست دیکر دوسری بار کسی بھی فارمیٹ میں فتح حاصل کی تھی، سال 2007 میں پہلی بار آئرش ٹیم نے گرین شرٹس کیخلاف جیت کا مزہ چکھا تھا۔