پیپلز ڈیموکریٹک الائنس اور وکلاء کا جناح ہاؤس کا دورہ

05-08-2024

(ویب ڈیسک) پیپلز ڈیموکریٹک الائنس اور وکلاء نے جناح ہاؤس کا دورہ کیا ہے۔

سانحہ 9 مئی کو گزرے ایک سال ہوچکا لیکن شرم کا مقام ہے کہ ہم ابھی تک مجرموں کو کیفرِ کردار تک نہیں پہنچا سکے۔ گزشتہ سال شرپسند گروہ کی جانب سے جس بربریت اور وحشیانہ پن کا مظاہرہ کیا گیا اس کی نظیر دنیا میں کہیں نہیں ملتی۔ عوام اور نوجوانوں کا نام استعمال کرکے جس طرح سیاست کے نام پر درندگی کا مظاہرہ کیا گیا وہ ناقابلِ معافی جرم ہے۔ ہم حکومتِ وقت اور عدلیہ سے پرزور اپیل کرتے ہیں کہ خدارا پاکستان کے وقار اور عزت کی خاطر جو لوگ اس سانحہ میں ملوث تھے انہیں جلد بلا امتیاز سخت سزا دی جائے۔