گندم خریداری کیلئے پنجاب کے کسی سینٹر پر باردانہ جاری نہ ہوا

05-03-2024

(لاہور نیوز) گندم کی سرکاری خریداری تاحال نہ شروع ہو سکی ، پنجاب کے تمام 400 سینٹر پر تاحال باردانہ جاری نہ کیا گیا۔

ذرائع کے مطابق کسانوں نے اپنا احتجاج وسطی پنجاب میں گندم کی کٹائی کی وجہ سے اگلے ہفتے تک ملتوی کئے جانے پر غور شروع کر دیا ، وسطی پنجاب میں گندم کی کٹائی تیزی سے جاری ہے۔ دوسری جانب کسان رہنما شہزادہ سلطان نے میڈیا سے گفتگو کرتے ہوئے بتایا کہ حکومت نے ابھی تک گندم خریداری کے کسی بھی حل کے لئے ہم سے رابطہ نہیں کیا ، حکومت گندم کی خریداری نہ کرنے پر بضد ہے ،صوبے بھر کے 400 میں سے ایک بھی سینٹر پر خریداری شروع نہیں ہو سکی۔