محکمہ سکول ایجوکیشن نے 1500 ٹیچرز کو نوکری پر بحال کر دیا

05-01-2024

(ویب ڈیسک) سکول ایجوکیشن ڈیپارٹمنٹ نے 1500 اساتذہ کو نوکری پر بحال کردیا۔اساتذہ کو31 دسمبر تک بی ایڈ کی ڈگری مکمل کرنے کیلئے موقع دے دیا گیا۔

سکول ایجوکیشن ڈیپارٹمنٹ نے 1500 اساتذہ کو  اپنی کوالیفیکیشن اپ ٹو دی مارک کرنے کا ایک اور موقع دے دیا۔  پروفیشنل ڈگری نہ رکھنے والے اساتذہ کو ڈگری مکمل کرنے کیلئے 31 دسمبر تک وقت  دیا گیا ہے۔ ان اساتذہ کو 31 دسمبر تک بی ایڈ کی ڈگری مکمل کرنے کیلئے  کہا گیا ہے۔ سکول ایجوکیشن ڈیپارٹمنٹ کے مطابق اس ڈیڈ لائن کے بعد ٹیچر کو موقع نہیں دیا جائے گا، ڈگری نہ رکھنے والے اساتذہ کو نوکری سے فارغ کردیا جائے گا۔ اس قبل بھی ان اساتذہ کو بی ایڈ کرنےکیلئے تین مواقع دیئے گئے تھے جس کے بعد انہیں نوکری سے ہٹانے کا حکم جاری ہو گیا تھا۔