عوام کے لئے خوشخبری، ایل پی جی کی قیمتوں میں کمی کا اعلان

04-30-2024

(لاہور نیوز) مہنگائی کے ستائے عوام کیلئے خوشخبری، ماہ مئی کے لئے ایل پی جی کی قیمتوں میں کمی کر دی گئی۔

اوگرا نے ایل پی جی کی نئی قیمتوں کا نوٹیفکیشن جاری کر دیا، نوٹیفکیشن کے مطابق اوگرا نے ایل پی جی کی قیمت میں 11 روپے 88 پیسے فی کلو کمی کی ہے جس کے بعد ایل پی جی کی فی کلو قیمت 238 روپے مقرر کر دی گئی ہے۔ کمی کے بعد ایل پی جی کے 11.8 کلو گرام کے گھریلو سلنڈر کی قیمت میں 140 روپے کی کمی ہوئی ہے اور قیمت دو ہزار 813 روپے مقرر ہو گئی ہے۔