فوڈ سیفٹی ٹیموں کا سنیکس یونٹ پر چھاپہ، گندے آئل سے تیار ایکسپائر پاپڑ تلف

04-27-2024

(لاہور نیوز) صحت دشمن عناصر کیخلاف پنجاب فوڈ اتھارٹی کا کریک ڈاؤن جاری ہے۔

وزیر اعلیٰ پنجاب مریم نواز شریف کے حکم پر فوڈ سیفٹی ٹیموں نے چائنہ روڈ پر واقع سنیکس یونٹ پر چھاپہ مارا، 1500 کلو گندے آئل سے تیار ایکسپائر پاپڑ تلف، 2 لاکھ روپے جرمانہ عائد کر دیا۔ ڈی جی فوڈ اتھارٹی عاصم جاوید کا کہنا ہے سنیکس یونٹ میں ناقص، زائد المیعاد آئل سے پاپڑ تیار کر کے پیک کئے جا رہے تھے، یونٹ میں صفائی کے انتہائی ناقص انتظامات، حشرات کی بھرمار پائی گئی، انتہائی لازم آئل تبدیلی ریکارڈ اور ملازمین کے میڈیکل عدم موجود پائے گئے، بدبودار ماحول میں پاپڑ تیاری کے بعد ٹوٹے فرش پر بغیر ڈھانپے رکھے پائے گئے۔  انہوں نے مزید کہا لیبل پر درج اجزاء اور سنیکس کی تیاری میں استعمال ہونے والے اجزاء مختلف پائے گئے۔