پنجاب میں 'ڈرامہ کوئین' کی نئی قسط ریلیز ہوگئی: بیرسٹر سیف

04-26-2024

(ویب ڈیسک) رہنما تحریک انصاف بیرسٹر سیف نے کہا ہے کہ پنجاب میں ’’ڈرامہ کوئین‘‘ کی نئی قسط ریلیز ہوگئی۔

مریم نواز کے پولیس یونیفارم پہننے پر بیرسٹر سیف کا کہنا تھا کہ نئی قسط میں ڈرامہ کوئین مریم نواز پولیس کے روپ میں جلوہ گر ہے، جعلی فارم 47  کی ہیروئن کے ڈرامے سپر ہٹ جا رہے ہیں۔ انہوں نے کہا کہ محترمہ نے وردی پہن لی اب جاتی امراء کے ڈاکو بھی پکڑے، محترمہ زندگی میں باقی ماندہ ارمان اب پورے کر رہی ہیں، محترمہ ڈراموں کیساتھ کچھ عملی اقدامات بھی اٹھائیں۔ بیرسٹر سیف کا مزید کہنا تھا کہ جعلی وزیر اعلیٰ پنجاب عوام کو خوب انٹرٹین کر رہی ہیں، ڈرامے دیکھنے سے کسی کا پیٹ نہیں بھرتا ہے، اداروں کا یونیفارم پہننا خلاف قانون ہے، مریم نواز پر ایف آئی آر درج ہونی چاہیے۔