ایف آئی اے نے لیسکو کے مزید10 کروڑ یونٹ کی خورد برد پکڑ لی

04-26-2024

(دنیا نیوز ) فیڈرل انویسٹی گیشن ایجنسی (ایف آئی اے) نے لیسکو کے مزید دس کروڑ یونٹ کی خورد برد پکڑ لی۔

ایف آئی اے ذرائع کے مطابق لیسکو نے مجموعی طور پر ایک سال کے دوران بانوے کروڑ یونٹ عوام پر اووربلنگ کے ذریعے سے چارج کئے ، لیسکو کی جانب سے سرکاری اداروں کو بھی اووربلنگ کا انکشاف ہوا ہے۔  لیسکو کی جانب سے 82 کروڑ یونٹ اوور بلنگ کی دستاویزات ایف آئی اے نے قبضے میں لی تھیں، لیسکو کے مزید ریکارڈ کی چھان بین کے دوران مزید دس کروڑ یونٹ اووربلنگ کے ثبوت ملے۔ ڈائریکٹر ایف آئی اے سرفراز ورک کا کہنا ہے کہ ایف آئی اے کی جانب سے آئندہ چند روز میں  لیسکو کے مزید بڑے افسران کی گرفتاریاں بھی متوقع ہیں، ایف آئی اے نے سپرنٹنڈنٹ انجینئر کو طلب کیا تھا، سپرنٹنڈنٹ انجینئر ایف آئی اے کے سوالات کا ٹھوس جوابات بھی نہ دے سکے تھے۔ واضح رہے چند روز قبل ایف آئی اے نے لیسکو افسران کو طلب کیا تو انہوں نے پیش ہونے سے انکار کر دیا تھا۔