سپریم کورٹ، ملٹری کورٹس میں سویلینز کے ٹرائلز کیخلاف اپیلوں پر سماعت بدھ کو ہو گی

04-22-2024

(ویب ڈیسک) سپریم کورٹ میں فوجی عدالتوں میں سویلینز کے ٹرائلز کے خلاف اپیلوں پر سماعت (بدھ) 24 اپریل 2024ء کو ہو گی۔

سماعت کے حوالہ سے کیس کے فریقین کو نوٹسز ارسال کر دیئے گئے ہیں، سپریم کورٹ کی جانب سے جاری کاز لسٹ کے مطابق جسٹس امین الدین خان کی سربراہی میں 6 رکنی لارجر بینچ 24 اپریل کو دن ساڑھے گیارہ بجے کیس پر سماعت کرے گا۔ بینچ میں جسٹس محمد علی مظہر، جسٹس سید حسن اظہر رضوی، جسٹس شاہد وحی، جسٹس مسرت ہلالی اور جسٹس عرفان سعادت خان شامل ہیں۔