لاہور سے نارووال سفاری ٹرین 20اپریل کو چلے گی

04-19-2024

(ویب ڈیسک) پاکستان ریلوے نے لاہور اور نارووال کے درمیان سفاری ٹرین چلانے کا اعلان کر دیا۔ ٹرین صبح جا کر شام کو واپس لاہور آیا کرے گی۔

لاہور سے نارووال تک سفاری ٹرین چلانے کا فیصلہ کرتار پور گورودوارہ کی تجویز پر کیا گیا ہے۔  نارووال میں واقع کرتار پور گورودوارہ  تک آمد و رفت کے لئے پنجاب کے مختلف علاقوں میں مقیم سکھوں اور واہگہ کے راستے پاکستان آنے والے سکھ یاتریوں کے ساتھ گورو دوارہ کرتار پور صاحب کو دیکھنے کے خواہشمند غیر سکھ شہریوں کے لئے یہ سفاری ٹرین روایتی ذریعہ سفر سے زیادہ سیاحتی سفر کا ذریعہ ہو گی۔ سفاری ٹرین 20 اپریل کو لاہور سےنارووال جائے گی۔ ریلوے ہیڈکوارٹرز سے اس ٹرین کا نوٹیفکیشن جاری کر دیا گیا ہے۔ 12کوچز پر مشتمل سٹیم انجن سے چلنے والی سفاری ٹرین صبح 8 بجے لاہور سے نارووال کے لیے روانہ ہوگی۔ یہ ٹرین مسافروں کو واپس لے کر شام 5 بجکر 20 منٹ پر نارووال سے لاہور روانہ ہوگی۔