سکولوں کے اوقات کار میں تبدیلی، کمی کا نوٹیفکیشن جاری
04-18-2024
(لاہور نیوز) سکول ایجوکیشن اتھارٹی نے سکولوں کے اوقات کار میں 15 منٹ کی کمی کردی۔
ایجوکیشن اتھارٹی لاہور نے سکولوں کے اوقات کار میں تبدیلی کا نوٹیفکیشن جاری کردیا۔ نوٹیفکیشن کے مطابق گرلز سکولز صبح 7 بج کر 45 پر لگیں گے جبکہ چھٹی ایک بج کر 15 منٹ پر ہوگی، بوائز سکولز صبح 8 بجے لگا کریں گے جبکہ چھٹی ایک بج کر 30 منٹ پر ہوگی۔ اسی طرح جمعہ کے روز گرلز سکولز کو 11 بج کر 45 منٹ پر اور بوائز سکولز کو 12 بجے چھٹی ہوگی۔ ڈبل شفٹ میں پہلی شفٹ کے سکولز صبح پونے 8 بجے لگیں گے اور چھٹی سوا 12بجے ہوگی جبکہ سیکنڈ شفٹ کے سکولز سوا 2 بجے لگیں گے اور چھٹی شام ساڑھے 5بجے ہوگی۔