رضوان اور نسیم نے پاک نیوزی لینڈ سیریز میں کئی ریکارڈز پر نظریں جمالیں

04-16-2024

(ویب ڈیسک) پاکستان کے وکٹ کیپر بیٹر محمد رضوان اور انجری سے واپس آنے والے فاسٹ بولرنسیم شاہ نے نیوزی لینڈ کیخلاف سیریز سے قبل ریکارڈز پر نظریں جما لی ہیں ۔

محمد رضوان ٹی 20 فارمیٹ میں بابراعظم اور ویرات کوہلی کے 3 ہزار رنز کا ریکارڈ توڑنے کے قریب ہیں، دونوں کرکٹرز نے یہ کارنامہ محض 81 اننگز میں حاصل کیا تھا۔ رضوان 78 اننگز میں 2 ہزار 981 رنز کیساتھ تیز ترین 3 ہزار رنز سے محض 19 رنز دور ہیں، اگر وکٹ کیپر بیٹر ریکارڈ توڑ دیتے ہیں تو وہ 3000 رنز مکمل کرنے والے دوسرے پاکستانی بھی بن جائیں گے۔ دوسری جانب فاسٹ باؤلر نسیم شاہ بھی اپنے بین الاقوامی کیریئر میں ایک قابل ذکر سنگ میل کے قریب ہیں، انہوں نے 50 میچز میں 98 وکٹیں حاصل کررکھی ہیں جبکہ انہیں 100 وکٹوں کے کلب میں شمار ہونے کیلئے محض دو وکٹیں درکار ہیں۔ واضح رہے کہ پاکستان اور نیوزی لینڈ کے درمیان 5 ٹی20 میچز کی سیریز جمعرات کو شروع ہوگی۔