اسلام پورہ میں نامعلوم افراد کی فائرنگ سے عامر تانبا شدید زخمی

04-14-2024

(لاہور نیوز) لاہور میں نامعلوم افراد کی فائرنگ سے عامر تانبا شدید زخمی ہو گیا جسے ہسپتال منتقل کردیا گیا۔

پولیس کے مطابق اسلام پورہ میں نامعلوم موٹر سائیکل سواروں کی فائرنگ سے کوٹ لکھپت جیل سے رہائی پانے والا عامر تانبا شدید زخمی ہو گیا۔ پولیس حکام کا کہنا ہے کہ عامر تانبا بھارتی دہشت گرد سربجیت سنگھ پر جیل میں حملے میں ملوث تھا۔ حکام نے کہا ہے کہ عامر تانبا کچھ عرصہ قبل ہی جیل سے رہا ہو کر آیا تھا، واقعہ کے بعد علاقے کو گھیرے میں لے کر شوٹرز کی تلاش شروع کر دی ہے۔ یاد رہے کہ 2013ء میں کوٹ لکھپت جیل کے دو قیدیوں عامر تانبا اور مدثر پر سربجیت سنگھ پر حملے کا الزام عائد کیا گیا تھا، بھارتی جاسوس سربجیت سنگھ زخموں کی تاب نہ لاتے ہوئے ہسپتال میں دم توڑ گیا تھا۔