عید کے روز پنجاب میں 2ہزار سے زائد ٹریفک حادثات،14 افراد جاں بحق

04-11-2024

(ویب ڈیسک) عید کے روز پنجاب بھر میں 2 ہزار 288 ٹریفک حادثات کے نتیجے میں 14 افراد جان کی بازی ہار گئے۔

ترجمان ریسکیو 1122 کے مطابق 1 ہزار 302 زخمیوں کو فرسٹ ایڈ کے بعد فوری ہسپتالوں میں منتقل کیا گیا۔ ریسکیو ترجمان نے بتایا کہ 420 ٹریفک حادثات لاہور، 139 فیصل آباد اور 131 ملتان میں ہوئے۔ ترجمان نے مزید بتایا کہ 2 ہزار 288 حادثات میں 2 ہزار 330 موٹر سائیکلوں، 82 رکشوں اور 251 کاروں کے حادثات رپورٹ ہوئے۔