بھاٹی گیٹ میں ون ویلر کی تیز رفتاری 6 ماہ کے بچے کی جان لے گئی

04-08-2024

(لاہور نیوز) بھاٹی گیٹ میں ون ویلر کی تیز رفتاری 6 ماہ کے بچے کی جان لے گئی۔

 پولیس کے مطابق حادثے میں متوفی بچے کا باپ، ماں اور بہن شدید زخمی ہو گئے، خضر اپنی بیوی عائشہ، بیٹی دعا اور 6 ماہ کے بیٹے اذلان کے ساتھ موٹرسائیکل پر جا رہا تھا ،2 لڑکے ون ویلنگ کرتے ہوئے تیز رفتاری سے موٹرسائیکل سوار فیملی میں جا لگے۔  پولیس نے بتایا ماں کی گود سے 6 ماہ کا بچہ زمین پر گر کر موقع پر ہی جاں بحق ہو گیا، بچے کی لاش مردہ خانے جبکہ زخمیوں کو ہسپتال پہنچا دیا گیا ہے، ون ویلر آصف کو گرفتار کر کے مقدمہ درج کر لیا گیا ہے۔