نومنتخب سینیٹرز کی معاونت کیلئے پارلیمنٹ ہاؤس میں خصوصی ڈیسک قائم

04-07-2024

(ویب ڈیسک) سینیٹ سیکرٹریٹ کی جانب سے نئے منتخب ہونے والے سینیٹرز کی معاونت کے لئے پارلیمنٹ ہاؤس میں خصوصی ڈیسک قائم کردیا گیا۔

سیکرٹری سینیٹ محمد قاسم صمد خان کی ہدایات کے مطابق بنائی گئی کمیٹی نے نئے منتخب سینیٹرز کی رجسٹریشن کےعمل کو آسان بنانے اور معاونت فراہم کرنے کے لئے خصوصی ڈیسک قائم کیا۔  سینیٹ سیکرٹریٹ کے مختلف شعبوں کا عملہ نئے منتخب سینیٹرز کو معاونت فراہم کرنے میں مصروف عمل ہے۔ خصوصی ڈیسک  شام 5 بجے تک کام کرتا رہے گا تاکہ نومنتخب سینیٹرز کی رجسٹریشن کا عمل مکمل ہو سکے، سیکرٹری سینیٹ نے اس سلسلے میں تمام نو منتخب سینیٹرز کو مراسلہ بھی لکھ دیا۔