نیمل خاور کی یوٹیوب وی لا گنگ کے میدان میں انٹری

04-07-2024

(ویب ڈیسک) پاکستانی اداکارہ و ماڈل نیمل خاور نے بھی یوٹیوب وی لاگنگ کے میدان میں قدم رکھ لیا۔

حال ہی میں نیمل خاور نے فوٹو اینڈ ویڈیو شیئرنگ ایپ انسٹاگرام پر ایک مختصر ویڈیو شیئر کی جس میں انہوں نے اپنے مداحوں کو اپنے یوٹیوب چینل کے آغاز سے متعلق آگاہ کیا۔ ویڈیو کے کیپشن میں انہوں نے لکھا کہ ہیلو خوبصورت لوگو! میں یہ اعلان کرتے ہوئے بہت پرجوش ہوں کہ میں نے بالآخر فیصلہ کرلیا اور اپنا یوٹیوب چینل شروع کر دیا ہے۔ نیمل کا  مزیدکہنا تھا کہ اس سفر کو آپ کے ساتھ شیئر کرنے اور مزید ذاتی سطح پر آپ سے جڑنے کے لیے مزید انتظار نہیں کرسکتی۔ واضح رہے کہ یوٹیوب جوائن کرنے کے اعلان کے بعد نیمل نے تاحال اپنے چینل پر کوئی ویڈیو یا پوسٹ نہیں کی لیکن ہزاروں افراد چینل کو سبسکرائب کرچکے ہیں۔