سونے کی قیمت میں بڑا اضافہ، قیمت بلند ترین سطح پر جا پہنچی

04-06-2024

(لاہور نیوز) ملک میں سونے کی قیمت ریکارڈ سطح پر پہنچ گئی، ایک تولہ سونا 4 ہزار 900 روپے مہنگا ہو گیا۔

آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 4900 روپے بڑھ کر 2 لاکھ 45 ہزار 100 روپے ہو گئی ہے۔ ملک میں 10 گرام سونے کی قیمت 4200 اضافے سے 2 لاکھ 10 ہزار 134 روپے ہے۔ ایسوسی ایشن کے مطابق عالمی صرافہ مارکیٹ میں سونے کی قیمت 44 ڈالر اضافے کے بعد 2330 ڈالر فی اونس ہے۔