پاکستان، نیوزی لینڈ ٹی 20 سیریز، ٹکٹوں کی فروخت 6 اپریل سے شروع ہوگی

04-05-2024

(لاہورنیوز) پاکستان اور نیوزی لینڈ کے درمیان پانچ ٹی ٹوئنٹی انٹرنیشنل میچز کیلئے ٹکٹوں کی فروخت 6 اپریل سے شروع ہوگی۔

پی سی بی ذرائع کے مطابق ٹکٹیں لاہور، اسلام آباد، راولپنڈی، گوجرانوالہ، سیالکوٹ، ملتان، پشاور اور کراچی میں مختلف ٹی سی ایس ایکسپریس سینٹرز پر دستیاب ہوں گی، اس کے علاوہ پہلے سے بک شدہ آن لائن ٹکٹیں بھی انہی مراکز سے حاصل کی جا سکتی ہیں۔ واضح رہے کہ اسٹیڈیم میں داخلے کی اجازت صرف درست فزیکل ٹکٹ کے ساتھ دی جائے گی جبکہ ای ٹکٹ اور ٹکٹ کی فوٹو کاپی قبول نہیں کی جائے گی۔ایک صارف کو ہر میچ کے لیے ایک شناختی کارڈ پر 10 ٹکٹیں خریدنے کی اجازت ہے،شائقین صبح 9 بجے سے شام 5 بجے تک ٹی سی ایس ایکسپریس سینٹرز سے ٹکٹ خرید سکتے ہیں۔