فلم انڈسٹری کا سنہرا دور واپس آنے میں وقت لگے گا: کنزیٰ ہاشمی

03-31-2024

(ویب ڈیسک) اداکارہ کنزیٰ ہاشمی نے کہا ہے کہ کئی ڈراموں میں کام کررہی ہوں، اپنے فینز کوبہت جلد سرپرائز دوں گی۔

اداکارہ کا کہنا ہے کہ ٹی وی ڈراموں کی مصروفیات نے ہم جیسے فنکاروں کو فلموں سے دور کیا ہوا ہے، فلم انڈسٹری کے سنہری دور کے آثار نمایاں ہونے میں وقت لگے گا۔ اب شوبز انڈسٹری کو جو نقصان ہوچکا ہے اسکا ازالہ ہونا بہت مشکل نظر آرہا ہے، کئی ایک ڈرامہ پروڈیوسرز دیوالیہ ہوگئے ہیں۔ بہت سے فنکار سفید پوشی کی خاطر خاموش ہیں۔ ان کا کہنا تھا کہ ملکی ہی نہیں بیرون ممالک سے بھی کا م کی آفرز ہورہی ہیں،ذاتی طور پر اپنے ملک کی پروڈکشنز کو ترجیح دینا چاہتی ہوں۔ ان کا کہنا تھا کہ کم کام کرکے معیار برقرار رکھنا فنکار کے اپنے اوپر ہوتا ہے، بطورفنکارہ جاندار سکرپٹس اور کردار میری پہلی ترجیح ہوتے ہیں۔