کیا آپ کے جوڑوں میں درد ہے؟توان مشروبات کا استعمال کریں!ماہرین نے حل بتا دیا
03-30-2024
(ویب ڈیسک)ماہرین نے جوڑوں کے درد سے نجات حاصل کرنے کیلئے چند مشروبات کے نام بتا دیے۔
تفصیلات کے مطابق ماہرین کا اپنی تحقیق میں کہنا تھاکہ گرین ٹی کو وزن کم کرنے کیلئے بہترین سمجھا جاتا ہے لیکن یہ جوڑوں میں تکلیف کو کم کرنے میں بھی مدد فراہم کرتی ہے کیونکہ اس میں موجود سوزش سے لڑنے کی صلاحیت آپ کو درد سے آرام فراہم کرتی ہے۔اسی طرح کافی بھی جوڑوں میں درد کو کم کرنے میں اپنا کردار ادا کرتی ہے، اس کے علاوہ صبح گرم پانی میں لیموں ڈال کر پینے سے بھی آپ کو درد میں آرام ملے گا۔ ماہرین کا مزید کہنا تھا کہ انناس ایک خوش ذائقہ پھل ہے جو اپنے اندر بہت سی بیماریوں سے لڑنے کی صلاحیت رکھتا ہے،انناس میں برومیلین اور سوزش کو دور بھگانے والی خصوصیات ہوتی ہیں۔دوسری جانب پانی کا زیادہ استعمال بھی جوڑوں کے درد سے نجات دیتا ہے کیونکہ زیادہ پانی پینے سے جسم کی صفائی ہوتی رہتی ہے اور جسم میں یورک ایسڈ کی مقدار برابر رہتی ہے۔