شہروں کی مصنوعی روشنیاں کس خطرناک مرض کی وجہ بن سکتی ہیں؟ماہرین نے خبردار کردیا

03-28-2024

(ویب ڈیسک)ماہرین نے کہا ہے کہ شہروں کی مصنوعی روشنیاں فالج کے خطرناک مرض کی وجہ بن سکتی ہیں۔

تفصیلات کےمطابق ماہرین کا جاری کردہ تحقیق میں کہناتھا کہ  راتوں میں روشن ہونے والی مصنوعی روشنیاں دماغ میں خون کے بہاؤ کو اس طرح متاثر کرتی ہیں جس سے فالج کا امکان بڑھ جاتا ہے۔محققین نے بتایا کہ رات کے وقت مصنوعی  روشنیوں میں سب سے زیادہ رہنے والے افراد میں دماغی شریانوں سے متعلق بیماریوں کا خطرہ 43 فیصد بڑھ جاتا ہے۔ اس میں شریانیں بند ہوجاتی ہیں جو دماغ میں خون کی فراہمی روکتی ہیں اور دماغ میں ہی خون بہنا شروع ہوجاتا ہے، یہ دو حالتیں فالج کا سبب ہیں۔ محققین نے بتایا کہ نتائج کی بنیاد پر ہم لوگوں کو مشورہ دیتے ہیں، خاص طور پر شہری علاقوں میں رہنے والوں کو، کہ وہ اپنے آپ کو شہر کی مصنوعی روشنیوں سے محفوظ رکھیں یا کم از کم اسے حد درجہ کم کردیں۔ محققین کا یہ بھی کہنا تھا کہ مصنوعی روشنی کے زیادہ استعمال کے نتیجے میں ہی عالمی آبادی کا پانچواں حصہ روشنی سے آلودہ ماحول میں رہ رہا ہے۔