شوبز انڈسٹری میں شادیاں کیوں ناکام ہوتی ہیں؟فضیلہ قاضی نے وجہ بتا دی

03-28-2024

(ویب ڈیسک) پاکستانی سینئراداکارہ فضیلہ قاضی نے فنکاروں کی شادیاں ناکام ہونے کی وجہ بتا دی۔

فضیلہ قاضی نے حال ہی میں اپنے شوہر، اداکار قیصر کے ہمراہ ایک نجی ٹی وی کے پروگرام میں شرکت کی جہاں ان سے یہ سوال پوچھا گیا کہ آپ کے خیال میں آج کل شادیاں کیوں ناکام ہو رہی ہیں؟ انہوں نے اس سوال کا جواب دیتے ہوئے کہا کہ کامیاب شادی کے لیے کوئی کوئی خاص ہدایات موجود نہیں ہیں لیکن آج کل مرد اور عورت دونوں ہی کی توجہ اپنے کیریئر بنانے پر بہت زیادہ مرکوز ہے۔ اداکارہ نے کہا کہ ایسی صورتحال میں جب دونوں میاں بیوی شوبز انڈسٹری سے ہوں تو ان کے درمیان مقابلہ اور انا کے مسائل پیدا ہونا شروع ہو جاتے ہیں۔ انہوں نے اپنی مثال دیتے ہوئے کہا کہ میں نے شادی کے بعد کچھ عرصے کے لیے کام کرنا چھوڑ دیا تھا کیونکہ میں اپنے بچوں کو وقت دینا چاہتی تھی جو کام کی وجہ سے نظرانداز ہو رہے تھے۔ فضیلہ قاضی کا کہنا تھا کہ شادی کو کامیاب بنانے کے لیے میاں بیوی میں سے کسی ایک کو قربانی دینا پڑتی ہے اگرچہ قیصر نے مجھے کبھی بھی کام کرنے سے نہیں روکا لیکن میں نے خود اپنی فیملی کے لیے سمجھوتہ کیا۔