نواز شریف کی فیصل آباد آمد، ڈور پھرنے سے جاں بحق آصف کے والدین سے اظہار تعزیت

03-25-2024

(ویب ڈیسک) ن لیگ کے قائد میاں محمد نوازشریف اور وزیراعلیٰ پنجاب مریم نواز فیصل آباد پہنچ گئے۔

ن لیگ کے قائد میاں نواز شریف اور وزیر اعلیٰ مریم نواز نے ڈور پھرنے سے جاں بحق ہونیوالے آصف کے لواحقین سے تعزیت اور فاتحہ خوانی کی۔ علاوہ ازیں ایئر پورٹ پر وزیراعلیٰ پنجاب نے لیگی قائدین اور انتظامیہ و افسران کے ساتھ میٹنگ بھی کی۔ پرویز رشید اور مریم اورنگزیب بھی مریم نواز کے ہمراہ تھے۔ اس سے قبل وزیر اعلیٰ پنجاب مریم نواز کے زیر صدارت فیصل آباد انٹرنیشنل ایئرپورٹ پر مسلم لیگ ن کا اعلیٰ سطح کا اجلاس ہوا، اس موقع پر قائد مسلم لیگ ن میاں محمد نواز شریف بھی موجود تھے۔ مسلم لیگ ن کے اجلاس میں ممبران اسمبلی، ن لیگی قیادت، انتظامیہ اور پولیس افسران نے شرکت کی۔