چیئرمین پی سی بی رمضان ٹورنامنٹ کی مشکل شرائط پر نظرثانی کریں: معین خان

03-24-2024

(لاہور نیوز) سابق کپتان معین خان نے کہا کہ چیئرمین پی سی بی سے درخواست ہے رمضان ٹورنامنٹ کی مشکل شرائط پر نظر ثانی کریں۔

سابق کپتان معین خان نے میڈیا سے گفتگو کرتے ہوئے کہاکہ ٹی ٹوئنٹی کرکٹ کی بنیاد کراچی نے رکھی، کرکٹرز کی فارم اور فٹنس بہت اہم ہوتی ہے، عماد وسیم کرکٹ کھیل سکتا ہے۔ معین خان نے مزید کہا کہ پاکستان ٹیم کو آل راؤنڈر کی ضرورت بھی ہے، اگر اس کی فارم اچھی ہے تو ضرور کھلانا چاہئے، گارنٹی لینا اور دینا دونوں غلط ہیں، مجھے علم نہیں کہ کس نے گارنٹی دی، پاکستان ٹیم کیلئے ملکی کوچ ہونا چاہیے، پی سی بی کو چاہیے اپنے سابق کرکٹرز کی جانب دیکھے۔ سابق کپتان نے کہا کہ اگر پاکستانی کرکٹرز کوچنگ کیلئے نااہل ہیں تو پی سی بی ایک کوچنگ ڈویلپمنٹ پروگرام کرائے، کھلاڑی جذباتی ہوکر ریٹائرمنٹ لے لیتے ہیں، کوئی پاکستان کیلئے مزید کھیلنا چاہتا ہے تو وہ ریٹائرمنٹ کیوں لے رہا ہے۔