پاکستانی باکسرنثاراچکزئی نے ورلڈ موئے تھائی باکسنگ ٹورنامنٹ جیت لیا

03-20-2024

(ویب ڈیسک) پاکستان کے باکسر نثار احمد اچکزئی نے بنکاک (تھائی لینڈ) میں جاری ٹورنامنٹ پاکستان کے نام کرلیا۔

پسماندہ صوبے بلوچستان کےضلع قلعہ عبداللہ سےتعلق رکھنے والے پاکستانی باکسر نثار احمد اچکزئی نے تھائی لینڈ میں جاری ورلڈ موئے تھائی چیمپئن شپ 2024 انٹرنیشنل باکسنگ ٹورنامنٹ جیت لیا۔ نثاراحمد اچکزئی نے بھارتی کھلاڑی بجر سنگھ کو فائنل میں شکست سے دوچار کیا اور پہلے ہی راؤنڈ میں اسے ناک آؤٹ کرکے ٹائٹل پاکستان کے نام کرلیا۔ باکسرنثاراحمد کہنا تھا کہ کوشش ہے سبز ہلالی پرچم کو دنیا کے ہرمیدان میں بلند رکھوں، مگر کم وسائل اورحوصلہ افزائی اس میں آڑے آجاتی ہیں اگر سرکاری سطح پر سپورٹ ملے تو انشاءاللہ بڑے بڑے اعزاز ملک کے لئے جیتیں گے۔