محکمہ سکول ایجوکیشن نے شجر کاری مہم کی ہدایات کردیں

03-14-2024

(لاہور نیوز) محکمہ سکول ایجوکیشن نے رواں ماہ ہر استاد اور طالب علم کو ایک ،ایک پودا لگانے کی ہدایت کردی۔

محکمہ سکول ایجوکیشن کی جانب سے جاری ہدایات میں کہا گیا ہے کہ مارچ میں ہر استاد ایک پودا لگائے، تیسری کلاس اور اوپر کی کلاس کا ہر بچہ بھی ایک پودا لگائے۔ ہدایت نامہ میں مزید کہا گیا ہے کہ بچوں کی جانب سے لگائے گئے پودوں پر ان کے نام والی چھوٹی تختی بھی لگائی جائے۔ واضح رہے کہ پنجاب بھر میں تین لاکھ کے قریب اساتذہ ہیں جبکہ ایک کروڑ سے زائد بچے بھی سکولوں میں زیر تعلیم ہیں۔