سٹیٹ بینک نے ادھوری پرنٹنگ والے نوٹ جاری کر دیئے

03-12-2024

(ویب ڈیسک) کراچی میں سٹیٹ بینک نے نیشنل بینک کی برانچ میں مس پرنٹنگ والے کرنسی نوٹ بھیج دیئے۔

سٹیٹ بینک کی جانب سے جاری مس پرنٹنگ والے نوٹوں کی ایک سائیڈ پرنٹ اور دوسری سائیڈ خالی ہے، واقعے کی سوشل میڈیا پر ویڈیو وائرل ہو گئی۔ بینک مینیجر نے ویڈیو بیان میں بتایا کہ آج صبح جو کیش آیا ہے ،نئے نوٹوں میں ایک سائیڈ پر پرنٹ اور دوسرا سادہ ہے، آج ہی سارے نئے نوٹ آئے ہیں، جن میں سے نہ جانے ایک ہزار کے نوٹوں کی کتنی گھٹیاں صارفین کو چلی گئیں۔ ایک صارف نے ایک جانب پرنٹ اور ایک سائیڈ خالی والے کرنسی نوٹ واپس کئے تو علم ہوا۔ صارف کی شکایت کے بعد مزید بنڈل چیک کئے تو ایسے مزید نوٹ ملے، کرنسی نوٹوں کے پیکٹ میں دو دو نوٹ اسی طرح جڑے ہوئے ہیں۔ ترجمان نیشنل بینک کے مطابق ویڈیو کے حوالے سے آپریشن ڈیپارٹمنٹ کو مطلع کردیا گیا، ادھر ترجمان سٹیٹ بینک کا کہنا ہے کہ متعلقہ ڈیپارٹمنٹ کو ویڈیو بھیج دی ہے، تفصیلات آنے پر میڈیا سے شیئر کریں گے۔