پی ایس ایل میں شریک انگلش کرکٹر نے آئی پی ایل چھوڑ دی

03-12-2024

(ویب ڈیسک) پاکستان سپر لیگ (پی ایس ایل) میں کوئٹہ گلیڈی ایٹرز کی نمائندگی کرنے والے جیسن رائے نے انڈین پریمیئر لیگ (آئی پی ایل) 2024 سے دستبرداری کے فیصلے کی وجہ بتا دی۔

انگلش کرکٹر جیسن رائے نے کہا کہ خاندان کے ساتھ وقت گزارنے کیلئے انڈین پریمیئر لیگ (آئی پی ایل) کو چھوڑنے کا فیصلہ کیا کیونکہ رواں سال جنوری سے اپنی فیملی کے ساتھ وقت نہیں گزار سکا ہوں۔ انگلش کرکٹر نے اپنی موجودہ فرنچائز کولکتہ نائٹ رائیڈرز کیلئے نیک خواہشات کا بھی اظہار کیا ہے۔ واضح رہے کہ یہ تیسرا موقع ہے کہ انگلش کرکٹر جیسن رائے نے آئی پی ایل نہ کھیلنے کا اعلان کیا ہو، اس سے قبل 2022 اور 2020 میں بھی نجی مصرفیات کے باعث وہ ٹورنامنٹ سے دستبردار ہوگئے تھے۔