قومی ٹیم کی کوچنگ: شین واٹسن نے بھاری معاوضہ طلب کرلیا

03-12-2024

(ویب ڈیسک) کوئٹہ گلیڈی ایٹرز کے ہیڈکوچ شین واٹسن نے پاکستان کی کوچنگ کیلئے بڑی رقم کا مطالبہ کردیا۔

میڈیا رپورٹس کے مطابق کوئٹہ گلیڈی ایٹرز کے ہیڈکوچ شین واٹسن نے پاکستانی ٹیم کی کوچنگ کیلئے ایک کروڑ روپے کی مانگ کی ہے جبکہ وہ اس دوران عہدے پر رہتے ہوئے زیادہ تر وقت خاندان کے ساتھ گزارنے کے خواہاں ہیں۔ قوی امکان ہے کہ پاکستان کرکٹ بورڈ (پی سی بی) کے معاملات شین واٹسن کے ساتھ طے نہ پائیں۔ قبل ازیں سابق ٹیم ڈائریکٹر مکی آرتھر بھی قومی ٹیم کی کوچنگ کیلئے وقت نہیں نکال رہے تھے جبکہ انہیں بھی کوچنگ کی مد میں پی سی بی لاکھوں روپے ادا کررہا تھا۔ واضح رہے کہ آئی سی سی ورلڈکپ میں قومی ٹیم کی ناقص کارکردگی کے باعث مکی آرتھر سمیت فیلڈنگ کوچ گرانٹ بریڈبرن کو فارغ کردیا گیا تھا۔