ثانیہ مرزا کی عاطف اسلم اور ان کی اہلیہ کے ساتھ تصویر وائرل

03-05-2024

(ویب ڈیسک) ثانیہ مرزا نے سوشل میڈیا پر پاکستان کے معروف گلوکار عاطف اسلم اور ان کی اہلیہ کے ساتھ تصویر شیئر کر دی جو کہ اس وقت صارفین کی توجہ کا مرکز بنی ہوئی ہے ۔

تفصیلات کےمطابق عاطف اسلم آج کل اپنی فیملی کے ساتھ دبئی میں موجود ہیں جہاں ان کے کنسرٹ کا انعقاد کیا گیا، پاکستانی گلوکار کو سننے کیلئے مداحوں کی بڑی تعداد پہنچ گئی جبکہ اس موقع سے شعیب ملک کی سابق اہلیہ ثانیہ مرزا نے بھی فائدہ اٹھایا اور وہ بھی کنسرٹ میں موسیقی سننے پہنچ گئیں ۔ ثانیہ مرزا نے عاطف اسلم اور ان کی اہلیہ کے ساتھ انتہائی خوبصورت تصویر بنائی اور اسے انسٹاگرام پر شیئر کیا جس کے ساتھ انہوں نے پیغام درج کرتے ہوئے لکھا کہ’ اپنے پسندیدہ لوگوں کے ساتھ ‘ ۔ ثانیہ مرزا کی عاطف اسلم کے ساتھ تصاویر تیزی سے وائرل ہو رہی ہیں اور صارفین کی توجہ کا مرکز بنی ہوئی ہیں ۔ واضح رہے کہ شعیب ملک نے سال 2010 میں بھارتی ٹینس سٹار ثانیہ مرزا سے پہلی شادی کی تھی، دونوں کا ایک بیٹا اذہان مرزا ملک ہے جس کی پیدائش 2018 میں ہوئی تھی۔ رواں سال 20 جنوری کو شعیب ملک نے اداکارہ ثنا جاوید کے ساتھ اپنی دوسری شادی کی تصدیق کی تھی، اس اعلان کے بعد ثانیہ مرزا کے والد عمران مرزا نے بھارتی میڈیا سے گفتگو کرتے ہوئے اپنی بیٹی کی طلاق کی تصدیق بھی کردی تھی، اُن کا کہنا تھا کہ ثانیہ مرزا نے شعیب ملک سے خلع لی ہے۔